Sümüksındıran Əfsanəsi

Dəmirçi Qobber uzun illərdir hər kəsin sadəcə nağıl hesab etdiyi mifik bir əjdahanın izinə düşüb. Kənddə heç kim bu bədheybətin varlığına inanmasa da, təcrübəli döyüşçü onun gerçək olduğunu və illərdir arxasınca düşdüyünü iddia edir. Nəhayət, o, bu köhnə düşməni birdəfəlik məğlub etmək qərarına gəlir.

Hikkap və digər gənc vikinqlər tərəddüd etmədən müəllimlərinin ardınca naməlum səfərə yola düşürlər. Dəniz aşaraq təhlükəli axtarışa çıxan komanda ustanın danışdıqlarının həqiqət olub-olmadığını öyrənməlidir. Gəncləri sümüklərdən zireh düzəldən sirli varlıqla təhlükəli bir qarşıdurma gözləyir.

2010-cu ildə ABŞ-da istehsal olunmuş «Legend of the Boneknapper Dragon» cizgi filmi «Əjdahanı necə əhlilləşdirməli» franşizasının qısametrajlı davamıdır. Ekran işinin rejissoru Con Pulisi olub, rolları isə Cey Baruşel, Cerard Batler, Kreyq Ferqyuson və Amerika Ferrera səsləndirib.