Tüklü casus

Marnie adlı ərköyün qırmızı pişik sahibəsinin yanında, tam rahatlıq içində günlərini keçirir. Lakin qarətçilərin qurbanına çevrilməsi onun sakit günlərinə son qoyur. Cinayətkarlar pişiyi qutuya qoyub başqa şəhərə göndərir, lakin bağlama yolda itir və Marnie ucqar bir kənddə tək qalır.

Əsl həyatla üz-üzə gələn ev pişiyi burada it, xoruz və uzunqulaqla qarşılaşır. Bir araya gələn bu dördlük şəhərdə baş verən sirlərlə dolu soyğunların izinə düşməli, hadisələrin arxasında kimin dayandığını öyrənib cinayətkar dəstəni zərərsizləşdirməlidir.

2018-ci il istehsalı olan «Tüklü casus» («Marnies Welt») ailəvi macəra cizgi filmidir. Almaniya və Belçika istehsalı olan layihənin rejissorluğunu Kristof Lauenştayn ilə Volfqanq Lauenştayn edib, rolları isə Aleksandra Neldel, Aksel Pral, Silven Urban və Erik Borner səsləndirib.