Pinokkio. Həqiqi hekayə

Usta Cepettonun yonduğu taxta oğlan Pinokkio dünyanı gəzmək üçün emalatxananı tərk edir. O, kələkbaz Mocafoffonun rəhbərlik etdiyi səyyar sirk truppasına qoşulur. Sahibkar danışan gəlincikdən istifadə edərək salonları doldurur, həmin vaxt isə onun köməkçiləri Pişik və Tülkü tamaşaçıların evlərini qarət edirlər. Pinokkio isə bu cinayətlərdən tamamilə xəbərsiz qalır.

Tezliklə qəhrəman Mocafoffonun ögey qızı, hava gimnastı Bellaya aşiq olur. İnsan olmadığı üçün qızın sevgisini qazanmaq ümidini itirən oğlana qoca təlxək Fantotsi yol göstərir. O, Pinokkioya kömək edə biləcək cadugər Lüsildanın yanına getməyi məsləhət görür.

Rusiyada istehsal olunmuş «Pinocchio: A True Story» adlı ailəvi cizgi filmi 2021-ci ildə işıq üzü görüb. Ekran əsərinin rejissoru Vasili Rovenskiy, personajları səsləndirənlər isə Filipp Lebedev, Anton Eldarov, Aleksandr Qavrilin və Diomid Vinoqradovdur.