Ev kinoteatrını necə qoşmalı

Qufi köhnə və balaca televizorunda sevimli idman oyununa baxmağa çalışarkən daim siqnal kəsilir və antenanı düzəltmək lazım gəlir. Həmin vaxt qonşusunun evinə böyük və ən müasir ev kinoteatrı gətirildiyini görən qəhrəman öz cihazından narazı qalır. O, oyunları yüksək səviyyədə və rahat şəraitdə izləmək üçün yenilik etmək qərarına gəlir.

Lazımi avadanlıqları əldə edən Qufi mürəkkəb texnikanı təkbaşına quraşdırmağa başlayır. Saysız-hesabsız naqillər, böyük dinamiklər və texniki təlimatlarla mübarizə qəhrəmanın başına gülməli hadisələrin gəlməsinə səbəb olur.

ABŞ istehsalı olan «How to Hook Up Your Home Theater» adlı qısametrajlı animasiya filmi 2007-ci ildə təqdim edilib. Ailəvi komediyanın rejissor kürsüsündə Kevin Diters və Stivi Vermers əyləşib, səsləndirmədə isə Bill Farmer və Kori Berton iştirak ediblər.