Gənə qəhrəman

«The Tick» cizgi serialı təbii gücə və saf ürəyə malik nəhəng bir ədalət müdafiəçisindən bəhs edir. Mavi geyimli bu personaj şəhərin hündür binaları üzərində asanlıqla hərəkət edir və heç vaxt məğlubiyyəti qəbul etmir. Hadisələrə sadəlövhcəsinə yanaşsa da, cinayətkarlıqla mübarizə aparmaq borcundan heç vaxt geri çəkilmir.

Onun ən yaxın köməkçisi isə güvə kostyumu geyinmiş keçmiş mühasib Artur olur. Bu cütlük şəhəri ən qəribə bədəməllərdən qoruyur. Qarşıdurma apardıqları düşmənlər arasında üzü stuldan ibarət olan Çippendeyl, əl və ayaqları ləçəklərdən ibarət bitki-bədheybət El Zerno və çörəyi ilə şəhəri partlatmaq istəyən Çörəkçi var.

ABŞ istehsalı olan layihə 1994-cü ildə yayımlanmağa başlayıb və 3 mövsümdən ibarətdir. Rejissor kürsüsündə Henri Taker və Art Vitello əyləşib, qəhrəmanları isə Taunsend Koulmen, Rob Polsen, Kem Klark və Cess Harnell səsləndirib.