Uçan xalça

«Hodja fra Pjort» cizgi filminin qəhrəmanı uzaq diyarları görmək arzusu ilə böyüyən xəyalpərəst bir oğlandır. Həyata daha ayıq baxan atası isə oğlundan boş xəyalları kənara qoymağı və dərzi sənətinə yiyələnməyi tələb edir. Lakin oğlan səyahət fikrindən dönmür və dünyanı kəşf etmək istəyir.

Gözlənilmədən onun qarşısına tacir Əl-Faza çıxır və oğlana sehrli uçan xalça təklif edir. Bu hədiyyənin müqabilində qəhrəman sultanın hökmranlıq etdiyi böyük şəhərə yollanmalı, tacirin kiçik nəvəsini tapıb babasının yanına geri gətirməlidir.

2018-ci il istehsalı olan bu ailəvi animasiyanı rejissor Karsten Kilerix ərsəyə gətirib. Almaniya, Danimarka və Estoniyanın birgə layihəsi olan ekran əsərində obrazları Ture Lindhardt, Özlem Sağlanmak, Peter Zhelder və Kurt Ravn səsləndirib.