Rok Dog 2

Köpək Boudi və onun şən rok qrupunun üzvləri artıq öz mahnılarını geniş auditoriyaya eşitdirməyi bacarıblar. Qazanılan ilk nailiyyətlərlə kifayətlənməyən heyət daha irəli getmək qərarına gəlir. Musiqiçilər əsl şöhrət qazanmaq məqsədilə böyük qastrol səfərinə yola düşürlər.

Bu qastrol heyətə böyük populyarlıq gətirsə də, tanınmış sima olmağın çətin tərəfləri də üzə çıxır. Hər kəsin diqqət mərkəzində olmaq dostların gündəlik həyatına və münasibətlərinə təsir etməyə başlayır. Qrup üzvləri dünya miqyasında tanındıqları zaman öz mənliklərini qorumaq kimi sınaqla üzləşirlər.

ABŞ və Çin istehsalı olan «Rock Dog 2: Rock Around the Park» cizgi filmi 2020-ci ildə nümayiş olunub. Ekran əsərinin rejissoru Mark Baldodur, əsas personajları isə Eşli Boll, Ceyms Hiquti, Sabrina Pitre və Brayan Dobson səsləndiriblər.