Ribbit

Ribbit adlı balaca qurbağa digər həmcinslərindən xeyli fərqlənir. O, tullanmağı sevmir və sudan tamamilə çəkinir. Başqalarına bənzəmədiyini anlayan qəhrəman sehrlənmiş şahzadə olduğuna inanır və bu tilsimi yalnız əsl şahzadə qızın öpüşünün poza biləcəyini düşünür.

Bu fikirlə Ribbit yola çıxaraq öz xilaskarını axtarmağa başlayır. Ona bu səyahətdə ən yaxın dostu olan uçan sincab yoldaşlıq edir. İki fərqli canlını qabaqda müxtəlif sınaqlar və maraqlı tanışlıqlar gözləyir.

2014-cü ildə çəkilən «Ribbit» cizgi filmi ABŞ, Malayziya və Hindistan istehsalıdır. Layihənin rejissorluğunu Çak Pauers və Mamat Xalid həyata keçirib, səsləndirmədə isə Kristina Orou, Ameliya Henderson və Elza İrdalinna iştirak ediblər.