Sahara

Geniş səhra ərazisində tamamilə fərqli şəraitdə yaşayan iki ilan tayfası mövcuddur. Yaşıl ilanlar zəngin su və qida ehtiyatı olan səfalı vahədə rahat ömür sürürlər. Zəhərli ilanların qismətinə isə çətin və quraq təbiət şəraiti düşüb.

Bu qrupun nümayəndələri hər gün qızmar istiyə, gecənin dondurucu soyuğuna və quraqlığa dözmək məcburiyyətində qalırlar. Ətrafda yaşıllıq və yemək olmadığından onlar daim yaşamaq uğrunda çarpışır, eyni zamanda göydən hücum edən yırtıcı quşlardan qorunurlar.

2017-ci ildə Fransa və Kanadanın birgə istehsalı ilə ərsəyə gələn «Sahara» cizgi filminin rejissoru Pyer Koredir. Əsas obrazları Angela Qaluppo, Endryu Şeyver, Elana Dunkelman və Artur Holden səsləndirib.