Çirkin ördək balası və mən

Məşhur nağıl bu dəfə tamam fərqli baxış bucağından təqdim olunur. Ratso adlı siçovul gözlənilmədən qəribə bir cücənin tərbiyəsi ilə məşğul olmalı və onun qəribə «atası» rolunu üzərinə götürməlidir. Belə bir övlad böyütmək isə heç də asan başa gəlmir.

Qəhrəmanları qarşıda xeyli çətin və təhlükəli macəralar gözləyir. Onlar şəhər siçovullarının hücumundan qaçmalı, qonaqları xoş qarşılamayan quş fermasından uzaqlaşmalı və ən sonda qəddar bir pişikdən xilas olmağın yolunu tapmalıdırlar.

«The Ugly Duckling and Me!» cizgi filmi 2006-cı ildə ABŞ, Böyük Britaniya, Almaniya, Fransa, Danimarka və İrlandiyanın birgə istehsalı kimi təqdim olunub. Layihənin rejissor kürsüsündə Maykl Heqner və Karsten Kilerix əyləşib.