Lino: Yeddi canlı macəra

Lino uşaq bağçasında animator kimi çalışır, lakin bu iş ona heç bir zövq vermir. Balacalar bütün gün onu təngə gətirir, evi dağılmaq üzrədir, şəxsi münasibətləri isə heç cür alınmır. Saysız-hesabsız problemlərdən təngə gələn gənc çarəni hər çətinliyi həll edəcəyini vəd edən sehrbaza üz tutmaqda görür.

Sehrbaz onun taleyini kökündən dəyişmək üçün bir üsul tapır, lakin əfsun zamanı hər şey plandan çıxır. Gözlənilməz xəta nəticəsində Lino nəhəng bir pişik-bədheybətə çevrilir. Əvvəlki həyatına qayıtmaq üçün o, bu cadunu pozmağın yolunu axtarmağa məcbur qalır.

Braziliya istehsalı olan «Lino: Uma Aventura de Sete Vidas» adlı cizgi filmi 2017-ci ildə nümayiş etdirilib. Ailəvi animasiyanın rejissoru Rafael Ribasdır, obrazları isə Fil Miler, Paola Oliveyra, Dira Pais və Paolo Bernardo səsləndirib.