Şirinlər

Gözdən uzaq bir meşədə yerləşən sehrli kənddə göbələk evlərdə yaşayan mavi cırtdanlar öz qayğısız həyatlarına davam edirlər. Balaca qəhrəmanların hər biri özünəməxsus xarakterə malikdir və kəndin rifahı naminə gündəlik işlərlə məşğul olur. Onlar birlikdə yeni biliklər qazanır və qarşılaşdıqları çətinlikləri aradan qaldırmağa çalışırlar.

Kənd sakinlərini qorumaq üçün onlar Şirin-Fu döyüş sənətini öyrənməli və bədheybət sehrbaz Qarqamelin planlarına qarşı durmalıdırlar. Bu müddətdə qəhrəmanlar bir-birini olduğu kimi qəbul etməyi, birgə yaşamağı, Həmişənarazını sevindirməyi və Bacarıqsıza dəstək olmağı bacarırlar. Mavi parıltının kənd üzərində qalması isə bütün sakinlərin həmrəyliyindən asılıdır.

«Les Schtroumpfs» cizgi serialı 2021-ci ildə nümayiş olunub və ümumilikdə 4 mövsümdən ibarətdir. ABŞ, Fransa, Almaniya və Belçikanın birgə istehsalı olan bu layihənin rejissoru Uilyam Renodur, əsas rolları isə Devis Friman, Beranjer Maknis və Daniel Siteiqlesias səsləndirib.