Conni Kvestin qızıl macərası

Kvest komandası müasir əlkimyaçı doktor Zinin təhlükəli planları ilə üz-üzə qalır. Öz surətlərini klonlaşdıran bu cani Peru cəngəlliklərində mutant sürünənlərdən ibarət bütöv bir ordu yaradır. Onlarla qarşılaşma faciə ilə bitir və gənc Connin bütün həyatını büsbütün dəyişir.

Nəticədə qəhrəmanlar Zini yaxalamaq üçün bütün dünyanı əhatə edən böyük təqibə başlayırlar. Conni və dostları qədim qalıqları araşdırır, yerin altındakı gizli katakombalardan keçirlər. Bu səfərdə onlara özündə böyük sirr saxlayan balaca bir qız yoldaşlıq edir.

«Jonny's Golden Quest» adlı ailəvi cizgi filmi 1993-cü ildə ABŞ-da istehsal olunub. Cizgi layihəsinin quruluşçu rejissorları Don Lusk və Pol Sommerdir, əsas obrazları isə Ed Qilbert, Uaytbi Hertford, Pepe Serna və Marselo Tubert səsləndirib.