Bütün itlər Milad bayramını qeyd edir

Çarli, İtçi, Saşa və onların dördayaqlı dostları Milad şənliyini birlikdə keçirmək üçün «Bürə Dişləməsi» kafesində bir araya gəlirlər. Məkanda bayram təlaşlığı hökm sürür: bəzəklər asılır, hədiyyələr paylanır və xəstə pəncəsi əməliyyat olunmalı olan kiçik küçüy Timmi üçün ianə toplanır. Lakin hamı bu sevinci bölüşmək niyyətində deyil.

Miladdan zəhləsi gedən qaraqabaq buldoq Karfeys şənliyin baş tutmaması üçün yoldaşları ilə birgə plan qurur. Məqsəd digər itlərin bayramını tamamilə pozmaqdır. Vəziyyəti xilas etmək istəyən Çarli və İtçi isə təşəbbüsü ələ alır və Karfeysin fikrini dəyişdirib onu bayram qəhrəmanına çevirmək üçün ağıllı bir yol fikirləşirlər.

1998-ci ildə nümayiş olunan «An All Dogs Christmas Carol» cizgi filmi ABŞ, İspaniya, Kanada, Tailand və Tayvanın birgə istehsalıdır. Ekran işinin rejissorları Pol Sabella və Geri Selvaco olub, səsləndirmədə isə Billi Bodin və digər aktyorlar iştirak ediblər.