Herkules

Yeraltı dünyanın hökmdarı Hades böyük qardaşı Zevsin onu cəhənnəm dərinliklərinə göndərməsini heç vaxt bağışlamır. Bədheybətlərdən ibarət ordu toplayıb Olimp dağını ələ keçirməyi hədəfləyən Hades maneə kimi körpə Herkulesi görür. Qisasçı tanrının nökərləri Zevsin oğlunu qaçırır və onu adi bir ölümlüyə çevirərək insanlar arasında böyüməyə məhkum edirlər.

İllər keçdikdən sonra gənc Herkules əsl kimliyini öyrənir və ilahi evinə qayıtmaq üçün yola çıxır. Zirvəyə çatmaq naminə saysız-hesabsız şücaət göstərmək və əsl qəhrəmana çevrilmək lazım gəlir. Lakin çox keçmədən bəlli olur ki, şər qüvvələr üzərində fiziki qələbə qazanmaq tanrı statusunu yenidən əldə etmək üçün yetərli deyil.

1997-ci ildə ABŞ-da təqdim olunan «Herkules» cizgi filminin rejissorları Ron Klements və Con Maskerdir. Walt Disney Animation Studios tərəfindən ərsəyə gətirilən bu layihənin qəhrəmanlarını Teyt Donovan, Ceyms Vuds, Həmçinin Denni DeVito və Syuzan İqan səsləndirib.