Romanın qladiatorları

Pompey şəhərində baş verən güclü vulkan püskürməsi kiçik Timi kimsəsiz qoyur. Uşağı xilas edən general Kiron onu qladiator məktəbinə yerləşdirir. Lakin tənbəlliyə meyilli olan gənc döyüşçü peşəsinə heç cür maraq göstərmir və dərslərdən boyun qaçırır.

Böyüdükdən sonra Tim Lyuçilla adlı gənc qıza aşiq olur və onun sevgisini qazanmağı qarşısına məqsəd qoyur. Qızın diqqətini çəkmək üçün o, əsl qəhrəmana çevrilməlidir. Bu işdə ona döyüş sənətinin ustası olan ov ilahəsi Diana kömək etməyə başlayır və ilk çıxışından əvvəl Timi ciddi məşqlərə cəlb edir.

«Romanın qladiatorları» adlı cizgi filmi 2012-ci ildə ABŞ, Böyük Britaniya, Fransa, İtaliya və Hindistan kinematoqrafçılarının birgə əməyi ilə ərsəyə gəlib. Ekran işinin rejissoru İcinio Straffidir, əsas rolları isə Françesko Aymone, Moyra Andjelastri, Paola Andjelastri və Yelena Byanka səsləndirib.