7-ci cırtdan

Fantabularasa qəsrində şahzadə Rozanın on səkkiz yaşı qeyd olunur. Qızın vəftiz mərasimində cadugər Dellamorta tərəfindən oxunan qarğışın gerçəkləşməməsi üçün ciddi təhlükəsizlik tədbirləri görülür. Şənliyə qatılmaq istəyən yeddi cırtdan isə təhlükədən xəbərsiz saraya yollanır. Ən kiçik cırtdan Bobonun təsadüfi hərəkəti nəticəsində sehr işə düşür və qəsrdəki hər kəs donub qalır.

Son anda xilas olmağı bacaran yeddi dost vəziyyəti düzəltməyə çalışır. Şahzadəni və qonaqları oyatmaq üçün onlar Dellamortanın əjdahası tərəfindən qaçırılan gəncin arxasınca çətin bir səfərə çıxırlar.

«Der 7bte Zwerg» adlı ailəvi animasiya filmi 2014-cü ildə Almaniyada istehsal olunub. Rejissor Boris Alyinoviçin çəkdiyi layihənin əsas personajlarını Jan-David Rönfeldt, Peyton List, Leonard Malich və Ian Goodtimes səsləndirib.