Don Kixot

Məşhur cəngavər Don Kixot və onun sadiq yoldaşı Sanço Pansanın sərgüzəştləri bu dəfə tamam fərqli prizmadan təqdim olunur. Hadisələr onların yol yoldaşı olan dözümlü heyvanların nəzəri ilə canlandırılır. Əhvalatın gedişatını cəngavərin atı Rosinant və Sançonun uzunqulağı nəql edir.

Baş verənlərə dördayaqlı dostların baxışı ənənəvi əhvalatdan xeyli fərqlənir. Onlar sahiblərinin xəyalları arxasınca gedərkən müxtəlif gülməli və qeyri-adi vəziyyətlərə düşürlər. İnsanlar qəhrəmanlıq sorağında olarkən, heyvanlar bu səyahətin bütün çətinliklərini çiyinlərində daşımalı olurlar.

İspaniya və İtaliya istehsalı olan «Don Kixot» ailəvi macəra cizgi filmi 2007-ci ildə ekranlara çıxıb. Rejissor Xose Posonun çəkdiyi animasiyada personajları Dermot Arrigan, Riçard Feliks, Xordi Hurtado və Sonya Ferrer səsləndiriblər.