Tüklülər Dişlilərə qarşı 3D

Bəyaz xəzi səbəbindən digər boz koalalardan seçilən Conni üçün həyat heç də asan keçmir. Fərqli görünüşü ucbatından o, sirkin səhnəsinə düşür, lakin tamaşaçıların marağı uzun sürmür. Conni isə sadəcə qəribə bir canlı kimi tanınmaq deyil, əsl qəhrəmana çevrilmək arzusundadır.

Tezliklə ona cəsarətini göstərmək və sevdiyi xanımın qəlbini qazanmaq üçün real şans yaranır. Öz məqsədinə çatmaq üçün o, yırtıcı köpək sürüsünü qovmalı, nəhəng ilanları aldatmalı, Tasmaniya canavarını ram etməli və nəhəng timsaha qalib gəlməlidir.

«The Outback» adlı bu animasiya filmi 2012-ci ildə ABŞ və Cənubi Koreya tərəfindən birgə hazırlanıb. Macəra ekran işinin rejissoru Li Qyon-hodur, obrazları isə Çarli Byuli, İvonn Strahovski və Tim Karri səsləndirib.