Qorxmaz

Videooyunlara aludə olan yeniyetmə bütün asudə vaxtını monitor qarşısında keçirir. Lakin günlərin birində virtual aləm qəfildən onun gerçək həyatına daxil olur: sevimli oyunundan olan və kosmosdan gələn üç qeyri-adi körpə birbaşa oğlanın həyətinə düşür.

Gözlənilməz qonaqlar fövqəltəbii bacarıqlara sahibdirlər və adi bir məktəblinin bu güclərin öhdəsindən gəlməsi o qədər də asan olmur. İndi o, dağıdıcı bacarıqları nəzarətdə saxlamaq və balaca gəlmələrə qayğı göstərmək üçün təcili şəkildə dayəlik etməyi öyrənməlidir.

Ailəvi fantastika janrında olan «Fearless» cizgi filminin rejissoru Kori Edvardsdır. 2020-ci il istehsalı layihə ABŞ, Kanada, İspaniya və Böyük Britaniyanın birgə əməkdaşlığı ilə hazırlanıb, əsas rolları isə Yara Şahidi, Dueyn Ueyd, Miqel və Harland Uilyams səsləndirib.