Kumba

Kumba adlı kiçik zebr doğulduğu andan etibarən digər heyvanların lağ obyektinə çevrilir. Bunun səbəbi bədəninin yarıya qədər zolaqlı, qalan hissəsinin isə tam ağ olmasıdır. Təbiətdə Böyük Quraqlıq başlayanda isə vəziyyət daha da gərginləşir. Sürü Kumbanı lənətlənmiş hesab edərək bütün fəlakətlərin günahkarı sayır və onu aralarından qovur, hətta atası belə ondan üz döndərir.

Tək qalan cəsur zebr çatışmayan zolaqlarını tapmaq və ailəsinin hörmətini yenidən qazanmaq üçün təhlükəli, eyni zamanda əyləncəli səyahətə çıxır. O, bu çətin yolda qarşısına çıxan sınaqları aşaraq öz dəyərini sübut etməyə çalışır.

«Kumba» cizgi filmi 2013-cü ildə ABŞ və CAR istehsalı olaraq təqdim edilib. Macəra və ailə janrındakı layihənin rejissoru Entoni Silverstondur. Əsas personajları Culianna Rouz, Henk Hyoqo, Con Olson və Cennifer Koudi səsləndirib.