Elliot the Littlest Reindeer

«Elliot the Littlest Reindeer» cizgi filmi böyük arzusu olan balaca bir atdan bəhs edir. O, Şaxta babanın xizəyindəki şimal marallarından birinin yerini tutmaq və uşaqlara sevinc bəxş etmək istəyir. Buynuzlarının olmaması da onu bu istəyindən çəkindirmir.

Qarşıda cəmi üç gün var və bu qısa müddət ərzində qəhrəman ətrafdakılara komandaya layiq olduğunu sübut etməlidir. İnadkar at möcüzəyə inanaraq öz bacarığını göstərmək üçün sınaqlardan keçir.

2018-ci ildə ekranlara çıxan bu ailəvi animasiya komediyasını Cennifer Vestkott ərsəyə gətirib. ABŞ, Kanada, Almaniya, Danimarka və Hindistanın birgə istehsalı olan layihənin personajlarını Cin Yun, Ceff Danem, Con Kliz və Morena Bakkarin səsləndirib.