Kibrit satan qız

Yeni il ərəfəsində şaxtalı şəhər küçələrində kimsəsiz və yoxsul bir qızcığaz dolaşır. Bayram təlaşına qapılmış insanlar evlərinə tələsir və soyuqdan titrəyən uşağın yanından laqeydliklə ötüb keçirlər. Balaca qız isə bir tikə çörəkpulu qazanmaq ümidi ilə yoldan ötənlərə əlindəki kibrit qutularını satmağa çalışır.

Şaxta dözülməz həddə çatanda o, bir qədər qızınmaq üçün kibritləri bir-bir yandırmağa başlayır. Hər yanan alovun işığında onun gözləri önündə istilik, bol yemək və qayğı dolu təsəvvürlər canlanır. Balaca kibrit çöpləri yandıqca qızın ən böyük arzuları xəyallarında gerçəkləşir.

«The Little Matchgirl» qısametrajlı cizgi filmi 2006-cı ildə ABŞ-da rejissor Roger Allers tərəfindən çəkilib. Ekran əsəri Hans Kristian Andersenin 1848-ci ildə qələmə aldığı məşhur nağılın süjeti əsasında hazırlanıb.