Qarışqaların qənimi

On yaşlı Lukas Nikl ailəsi ilə yeni şəhərə köçdükdən sonra heç cür dost tapa bilmir. Valideynlərinin diqqətsizliyi və yeniyetmə bacısı Tiffaninin şıltaqlıqları azmış kimi, məhəllənin davakar uşağı Stiv də ona rahatlıq vermir. Əsəbini çıxarmaq istəyən Lukas həyətdəki qarışqa yuvalarını dağıtmağa başlayır və bu xırda canlıların da dözüm həddi olduğunu ağlına belə gətirmir.

Qarışqalar bu hücumlara cavab vermək üçün sehirbaz Zokun hazırladığı xüsusi iksirdən istifadə edirlər. Dərmanın təsiri ilə Lukas bir anda cücü boyda kiçilir və yuvanın dərinliklərində məhkəmə qarşısına çıxarılır. Müdrik Kraliça insan oğlunu bağışlamır və cəza olaraq onu koloniya daxilində qarışqa kimi yaşamağa məhkum edir.

ABŞ və Kanada istehsalı olan «Qarışqaların qənimi» cizgi filmi 2006-cı ildə ekranlara çıxıb. Rejissor Con A. Devisin çəkdiyi layihənin əsas personajlarını Ellison Mek, Keysi Teylor, Aaron Maykl Drozin və Nissa Alkom səsləndirib.