Sneaks

Tay və Maksin heç vaxt çölün toz-torpağını görməmiş, daim qayğı ilə qorunan elit idman ayaqqabılarıdır. Onlar küçədə qaçışdan, top oyunlarından və altlıqlarına yapışa biləcək zibillərdən həmişə uzaq qalıblar. Lakin gözlənilməz hadisə bu ayrılmaz cütü bir-birindən ayrı salır.

İndi hər iki qəhrəman Nyu-Yorkun səs-küylü və təhlükəli küçə həyatı ilə üz-üzə gəlmək məcburiyyətindədir. Tay və Maksin yenidən qovuşmaq üçün şəhərin çətin şərtlərinə öyrəşməli və qeyri-adi maneələri geridə qoymalıdırlar.

2025-ci il istehsalı olan «Sneaks» animasiya filminin rejissorluğunu Rob Edvards və Kristofer Cenkins edib. ABŞ, Böyük Britaniya və Hindistanın ortaq layihəsində qəhrəmanları Yanq Miko, Riko Rodriqes, Kiana Lede və Kit Devid səsləndiriblər.