Tom və Cerri: Şerlok Holms

Londonun mərkəzində baş verən qiymətli daş oğurluğu Skotland-Yardı çıxılmaz vəziyyətə salır. Polis tələsik qərar verərək günahı gənc müğənni Redin üzərinə atır. Həqiqi cinayətkarı tapmaq üçün Şerlok Holms və onun köməkçisi doktor Vatson işə başlayır, Tom və Cerri də bu axtarışa qoşulur.

«Tom & Jerry Meet Sherlock Holmes» cizgi filmində əbədi rəqiblər şəhərin küçələrində və damlarında qaçdı-qovduya çıxırlar. Mübahisələrinə baxmayaraq, onlar günahsız müğənnini qurtarmağa çalışırlar. Hadisələr gedişində Tafı, Buç və Drupi kimi köhnə tanışlar da şübhə altına düşür.

ABŞ istehsalı olan bu dedektiv komediya 2010-cu ildə rejissorlar Spayk Brandt və Ceff Sergey tərəfindən çəkilib. Baş rolların səsləndirilməsində Malkolm Makdauell, Con Ris-Devis, Maykl York və Ceff Berqman iştirak ediblər.