Gənc Titanlar, irəli!

Betmenin köməkçisi və Gənc Titanlar komandasının lideri Robin böyük ədalətsizliklə qarşılaşdığını düşünür. Hətta Akvamen haqqında belə ayrıca film çəkildiyi halda, öz komandasının diqqətdən kənarda qalması onu narahat edir. Robin dostları ilə birlikdə əsl kino ulduzuna çevrilmək arzusu ilə birbaşa Hollivuda yollanır.

Lakin qəhrəmanların qarşısına Yer kürəsini ələ keçirmək niyyətində olan təhlükəli supercinayətkar Sleyd çıxır. Düşmənin bu planları dostların məqsədlərini alt-üst edir. İndi Robin, Kiborq və digər titanlar kino xəyallarını bir kənara qoyub dünyanı xilas etməyə köklənməlidirlər.

«Teen Titans Go! To the Movies» tammetrajlı cizgi filmi 2018-ci ildə ABŞ-da istehsal olunub. Layihənin rejissor kürsüsündə Aaron Horvat və Piter Rayda Mixail əyləşib. Baş personajları Vanessa Marşall, Skott Menvil, Erik Bauza və Con Di Maccio səsləndirib.