Ov mövsümü 2

Maral Elliot sevgilisi Jizel ilə evlənməyə hazırlaşdığı vaxt bütün planlar alt-üst olur. Əhliləşdirilmiş ev heyvanları taksa cinsi Mister Uinini qaçıraraq onu sahiblərinə qaytarmaq qərarına gəlirlər. Yoldaşlarının başına gələn bu hadisə səbəbindən toy təxirə salınır və meşə sakinləri dostlarını xilas etməyə tələsirlər.

Ayı Buq, Elliot və digər meşə heyvanları qaçırılan dostlarının izinə düşərək ev heyvanlarının məskunlaşdığı mühitə daxil olurlar. Burada qəhrəmanları böyük çətinliklər gözləyir, çünki Mister Uinini əllərində saxlayan dəstəyə şıltaq və qəzəbli cırtdan pudel Fifi rəhbərlik edir və o, asanlıqla geri çəkilmək fikrində deyil.

«Open Season 2» cizgi filmi 2008-ci ildə ABŞ və Kanada istehsalı olaraq ekranlara çıxıb və «Open Season» franşizasının davamıdır. Əyləncəli macəranın rejissor kürsüsünü Mettyu O'Kallaxen və Todd Vilderman bölüşüb, personajları isə Mettyu V. Teylor, Uolter Cons, Skott Menvil və Lauri Frayzer səsləndirib.