Mumiyalar

Fironlar dövrünün Qədim Misirini xatırladan gizli bir yeraltı şəhərdə mumiyalar məskən salıb. Şahzadə qız, keçmiş arabaçı, onun kiçik qardaşı və ev timsahı gözlənilmədən öz doğma məkanlarından ayrılmalı olurlar.

Qəhrəmanlar müasir London küçələrinə düşürlər. «Mumiyalar» cizgi filmi onların arxeoloq lord Karnabi tərəfindən oğurlanmış qədim üzüyü axtarışından bəhs edir. Qəribə qonaqlar yad şəhərdə itirilmiş xəzinəni tapmaq üçün müxtəlif sınaqlardan keçirlər.

İspaniya və ABŞ-ın birgə istehsalı olan bu animasiya filmini 2023-cü ildə Xuan Xesus Qarsiya Qaloça çəkib. Rolları Enrike Sekero, Roberto Kuenka Martines, Karina Pasian və Mariya Moskardo səsləndirib.