Zooparkda gecə

Zooparka düşən meteorit parçası buradakı sakitliyi darmadağın edir. Qəfəsdəki ağ dovşan göydən düşən daşın hissəsini udur və nəhəng bir bədheybətə çevrilir. Əraziyə nəzarəti ələ keçirmək istəyən dovşan digər canlıları balıq-qorilla, buynuzlu zebra və fil-ilan kimi qorxunc varlıqlara döndərməyə başlayır.

Bu qəribə təhlükə ilə mübarizə aparmaq isə parka təzəcə gətirilmiş vəhşi dağ şirinə qalır. Özünün də gülünc bir mutasiyaya uğramasını istəməyən bu yırtıcı, yanındakı kiçik heyvan dəstəsini başına toplayır. O, yoldaşlarını qorxmaz döyüşçülərə çevirərək mutanta qarşı durmağa çalışır.

«Zooparkda gecə» (Night of the Zoopocalypse) animasiya filmi 2024-cü ildə Kanada, Fransa və Belçika istehsalı olaraq təqdim edilib. Ekran işinə Rikardo Körtis və Rodriqo Peres-Kastro rejissorluq edib, əsas obrazları isə İvan Şerri, Pyer Simpson, Kayl Derek və Kerolin Skott səsləndirib.