Arqonavtlar

Dəniz kənarında gəzən iki gənc yunan çobanı köhnə bir gəminin qalıqları ilə qarşılaşır. Qalıqların yanında oturan uzunsaçlı, ağsaqqal bir qoca oğlanlara bu qədim gəminin başına gələnləri danışmağa başlayır.

Usta Arq tərəfindən inşa edilən bu gəmi «Arqo» adlanırdı və onun üzərində ilahə Afinanın taxtadan yonulmuş başı yerləşdirilmişdi. Helladanın ən güclü qəhrəmanları Yasonun rəhbərliyi altında Qızıl dərini əldə etmək üçün məhz bu gəmi ilə Kolxida çarlığına yola düşmüşdülər.

«Arqonavtlar» adlı qısametrajlı cizgi filmi 1971-ci ildə SSRİ-də istehsal olunub. Ekran əsərinin quruluşçu rejissoru Aleksandra Snejko-Blotskayadır, səsləndirmədə isə Aleksey Konsovski, Tatyana Lennikova, Tamara Dmitriyeva və Vladimir Soşalski iştirak ediblər.