Muzbalak

İnsanların səhvi ucbatından mağarada yuxudan oyanan ilan tədricən nəhəng əjdahaya çevrilir. Sığınacağını tərk edən bədheybət yaxınlıqdakı kəndləri viran qoyur və sakinləri məhv edərək hər tərəfə qorxu yayır. Öz balasını qorumaq istəyən qartal bu qorxunc varlıqla mübarizəyə qoşulur. Qartal döyüşdə üstün gəlir və yırtıcı yenidən mağaraya çəkilmək məcburiyyətində qalır.

Qartal balasını götürüb uzaqlara uçur, lakin əldə olunan dinclik əbədi olmur. İllər keçdikdən sonra həmin yırtıcı yenidən mağaradan çıxır.

Qazaxıstan istehsalı olan «Muzbalak» cizgi filmi 2018-ci ildə nümayiş etdirilib. Bu ailəvi ekran əsərinin quruluşçu rejissorları Tlek Toleuqazı və Turdıbek Maydandır.