Bikes

Meşələrin, dağların və göllərin əhatəsində yerləşən Spoksvill şəhərciyində ancaq velosipedlər yaşayır. Cəld və cəsarətli dağ velosipedi Spidi burada poçtalyonluq edir. Onun ətrafında rejissor olmaq istəyən Pinyon, fikrini açıq deyən Montana və təmir emalatxanası işlədən şən nasos Qessi kimi yaxın dostları var.

Təmiz havası olan bu qəsəbənin sakit nizamı gözlənilmədən pozulur. Şəhərə mühərriklə təchiz edilmiş çağırılmamış qonaq gəlir və yerli sakinlərin öyrəşdiyi həyat tərzi dəyişməyə başlayır.

«Bikes» cizgi filmi İspaniya, Argentina və Çin istehsalıdır. 2018-ci ildə ekranlara çıxan ailəvi animasiya layihəsinin quruluşçu rejissoru Manuel X. Qarsiadır. Obrazları Anabel Alonso, Maria Kyerol və Karlos Latre səsləndiriblər.