Pokahontas 2: Yeni Dünyaya Səyahət

Con Smitin həlak olması xəbəri Amerikaya çatdıqda qəbilə başçısının qızı Pokahontas mühüm bir addım atmaq qərarına gəlir. O, sadiq dostu yenot Miko ilə birlikdə iki xalq arasında sülh yaratmaq məqsədilə Londona doğru çətin dəniz səfərinə yola düşür.

Lakin gənc qızı yad ölkədə ciddi sınaqlar gözləyir. Ceymstaunu ələ keçirməyə çalışan qubernator Retkliff Pokahontasa böhtan atmaq və onun barışıq cəhdlərini puç etmək üçün hər cür hiyləyə əl atır.

«Pocahontas II: Journey to a New World» cizgi filmi 1998-ci ildə ABŞ, Kanada, Yaponiya və Honkonqun birgə istehsalı ilə ərsəyə gəlib. Ekran əsərinin quruluşçu rejissorları Tom Elleri və Bredli Reymonddur, əsas personajları isə Darrel Ceyms, Endrü Roa, Finola Hyuz və Debi Derriberri səsləndirib.