Playmobil: Film

Oyun zamanı Marla və onun kiçik qardaşı Çarli gözlənilmədən oyuncaqlar aləminə düşürlər. Bu qəribə məkanda qardaşını itirən Marla onu tapıb xilas etmək qərarına gəlir.

Yoldaşları Del və gizli agent Reks Daşer ilə birləşən qız Çarlinin qəddar imperator Maksimusun əlinə keçdiyini öyrənir. İmperatorun adamları insanları Kolizey arenasında qladiator döyüşlərinə çıxarmaq üçün qaçırırlar. Qardaşına çatmaq üçün dəstə Qərb çölləri, Vikinqlər torpağı, sehrli məmləkət, Casuslar şəhəri və Yura dövrü dünyasından keçməlidir.

«Playmobil: The Movie» cizgi filmi 2019-cu ildə rejissor Lino DiSalvo tərəfindən çəkilib. ABŞ, Böyük Britaniya, Kanada, Çin, Almaniya və Fransanın birgə istehsalı olan layihədə obrazları Sindi Robinson, Adam Lambert, Ben Diskin və Tito Ortiz səsləndiriblər.