Dog Man

Polis zabiti Nayt və onun sadiq iti Qreq növbəti xidmət zamanı təhlükəli partlayışın mərkəzinə düşürlər. Ağır yaralanan hər iki qəhrəmanı həkimlər qeyri-adi bir yolla xilas edirlər. Cərrahlar itin başını polisin bədəninə köçürmək qərarına gəlirlər.

Bu tibbi müdaxilə nəticəsində yarı insan, yarı it olan yeni bir qəhrəman — Dog Man yaranır. İt vərdişləri ilə insan bacarıqlarını özündə birləşdirən personaj asayişi qorumaq üçün xidmətini davam etdirir. O, cinayətkarlara qarşı mübarizəyə qoşularaq şəhərin təhlükəsizliyi keşiyində dayanır.

ABŞ istehsalı olan bu cizgi filminin rejissoru Piter Hastinqsdır. Əsas qəhrəmanları Lukas Hopkins Kalderon, Con Bentli, Luenell və Keyt Mikuççi səsləndiriblər. Ekran işi 2025-ci ildə ailəvi döyüş və komediya janrlarında təqdim edilib.