Yeni iliniz mübarək, Çarli Braun!

Qış tətili Çarli Braun üçün gözlənilməz çətinliklə başlayır. Bütün uşaqlar şənliyə hazırlaşdığı bir vaxtda, o, məktəb tapşırığı olan Lev Tolstoyun həcmli «Hərb və sülh» romanını vaxtında oxuyub bitirmək məcburiyyətində qalır.

Vəziyyət Peppermint Pettinin təşkil etdiyi Yeni il ziyafəti ilə daha da qəlizləşir, çünki Çarli bu məclisə getməyə borcludur. Qəhrəman dostları ilə əylənmək arzusu ilə qalın kitabı oxuyub tamamlamaq vəzifəsi arasında çıxış yolu tapmağa çalışır.

«Yeni iliniz mübarək, Çarli Braun!» adlı qısametrajlı musiqili animasiya filmi 1986-cı ildə ABŞ-da istehsal olunub. Rejissor kürsüsündə Sem Ceyms və Bill Melendesin əyləşdiyi ekran əsərində qəhrəmanları Elizabet Lin Freyzer, Ceyson Mendelson, Kristi Beyker və Aron Mandelbaum səsləndirib.