Sonuncu əjdaha

«Dragonkeeper» («Sonuncu əjdaha») cizgi filmi vaxtilə danışa bilən əjdahaların insanlarla yanaşı dinc şəkildə yaşadığı dövrlərdən bəhs edir. Həmin harmoniyanın pozulması ilə sehrli varlıqların nəsli tükənmək təhlükəsi qarşısında qalır. Onların taleyini dəyişmək isə cəsarətli bir qızcığazın öhdəsinə düşür.

Qəhrəman qədim Çinin sehrli və sirli guşələrindən keçən təhlükəli bir səyahətə çıxır. O, sonuncu əjdahaları qorumaq məqsədilə çətin yolları qət edərək müxtəlif maneələrlə üzləşməli olur.

İspaniya və Çin istehsalı olan bu animasiya filmi 2024-cü ildə ekranlara çıxıb. Layihənin rejissorluğunu Salvador Simo və Li Tszyanpin həyata keçirib, qəhrəmanları isə Karlos de Luna, Mikel Rodriqes Ros, İolanda Portilyo və Adrian Olvera səsləndirib.