Miraculous World: Şanxay, Qadın Əjdahanın Əfsanəsi

Şanxaya yollanmış Adrianla görüşmək istəyən Marinett, əmisi Vanın yubileyini bəhanə edərək Çinə səfər edir. Lakin şəhərə çatan kimi naməlum şəxslər onun bütün əşyalarını, o cümlədən Ledi Baqa çevrilməsinə yardımçı olan Tikkinin gizləndiyi çantanı oğurlayırlar. Beləliklə, gənc qız böyük şəhərdə tamamilə köməksiz vəziyyətə düşür.

Bu çətin anda onun köməyinə fəndgir yerli sakin Fey yetişir. Qızlar tezliklə dostlaşır və birlikdə qədim bir artefakt olan Güc Daşının izinə düşürlər. Həmin sehrli bəzək əşyasının arxasınca isə Şanxayda peyda olmuş qəddar Qara Qırğı düşüb.

2021-ci ildə nümayiş olunan «Miraculous World: Shanghai, The Legend of Ladydragon» animasiya filmi ABŞ və Fransa ortaq istehsalıdır. Rejissor Tomas Astryukun ərsəyə gətirdiyi layihədə obrazları Kristina Valensuela, Kit Silverşteyn, Mela Li və Ben Diskin səsləndirib.