Zombillenium

Təkbaşına uşaq böyüdən Hektor qızı Lüsini internat məktəbinə yola saldıqdan sonra təhlükəsizlik müfəttişi kimi yerli «Zombillénium» əyləncə parkına yoxlamaya yollanır. Keçmiş mədən ərazisində qurulmuş bu məkanda vaxtilə baş verən qəribə hadisə fəhlələri zombilərə çevirib, Frensis adlı vampir isə buranı hər cür bədheybətin sığınacağına çevirib. Təftiş zamanı Hektorun özü də qeyri-adi varlığa çevrilir və burada işçi kimi fəaliyyət göstərməyə məcbur qalır.

Müəssisənin gəlirləri xeyli aşağıdır və rəhbərlik iflas təhlükəsi ilə üz-üzədir. İki həftə ərzində parkın qazanc gətirməsini tələb edən Şeytan Frensisə son möhlət verir. Qızına bu əyləncə məkanını göstərəcəyinə söz verən Hektor isə parkın bağlanmasının qarşısını almaq üçün əlindən gələni etməyə çalışır.

«Zombillénium» cizgi filmi Fransa və Belçika istehsalı olaraq 2017-ci ildə işıq üzü görüb. Ekran əsərinin quruluşçu rejissorları Artür de Pen və Aleksis Dükordur. Əsas obrazları Emmanuel Kürtil, Alen Şoke, Kelli Maro və Aleksis Tomassian səsləndiriblər.