Tam Dalış

Delfi adlı gənc delfin qədim sivilizasiyadan miras qalmış Sualtı Şəhərdə yaşayır və şəhər merinin övladlığa götürdüyü gözəl Miyaya qarşı cavabsız hisslər bəsləyir. O, Delfinlər Qvardiyasının sıralarına qoşulmaq istəsə də, ətrafdakılar onun bu arzusuna ciddi yanaşmırlar. Bir gün Delfi dostu Zebb ilə birlikdə su altında qalmış qədim qalaya daxil olur və orada keçən hər kəsi istədiyi varlığa çevirən sehrli bir tağ aşkar edir.

Delfinin qala divarını deşməsi səbəbindən bu tapıntı delfinlərin qatı düşmənləri olan murenlərin əlinə keçir və doğma şəhər böyük təhlükə ilə üzləşir. Baş verənlərdə özünü təqsirkar bilən Delfi Sualtı Şəhəri xilas etmək, sakinlərin hörmətini qazanmaq və Miyanın sevgisinə layiq olduğunu sübut etmək üçün hərəkətə keçir.

«Tam Dalış» (Sea Level 2: Magic Arch) animasiya filmi 2020-ci ildə Rusiyada rejissor Vasiliy Rovenskiy tərəfindən çəkilib. Ailəvi komediya janrında olan cizgi filmində rolları Polina Qaqarina, Filipp Kirkorov, Aleksey Vorobyov və Diomid Vinoqradov səsləndiriblər.