10 həyat

Ərköyün pişik Bekket hər zaman tənbəlliyi, şıltaqlığı və ətrafındakılara qarşı aqressiv rəftarı ilə seçilirdi. Ən təkəbbürlü pişiklərdən belə daha dözülməz olan bu xudpəsənd qəhrəman öz rahat günlərinin qədrini bilmirdi. Lakin pişiklərə məxsus məşhur doqquz həyat bitdikdə onun adi günləri arxada qalır.

«10 Lives» adlı cizgi filmində Bekket öz həyatının dəyərini anlamaq üçün növbəti şans qazanır. O, tamamilə fərqli heyvanların cildinə girərək on dəfə yenidən doğulmalı olur. Hər yeni bədəndə rastlaşdığı sınaqlar təkəbbürlü pişiyə öz keçmiş hərəkətlərinə kənardan baxmaq fürsəti verir.

Ailəvi fantastika komediyasının rejissoru Kristofer Cenkinsdir. ABŞ, Böyük Britaniya, Kanada, Çin və Fransanın birgə istehsalı olan bu animasiya 2024-cü ildə təqdim edilib. Əsas qəhrəmanları Mo Qilliqan, Simon Eşli, Sofi Okonedo və Zeyn Malik səsləndiriblər.