Silverwing

Qədim dövrlərdə quşlar və quru heyvanları arasında baş vermiş genişmiqyaslı qarşıdurma bütün canlıların taleyini dəyişdi. Hər iki növün xüsusiyyətlərini daşıyan yarasalar isə tərəf seçməkdən boyun qaçırdılar. Nəticədə barışıq əldə edən tərəflər yarasaları qaranlığa məhkum edərək onlara günəş işığına baxmağı qəti şəkildə qadağan etdilər.

Əsrlər boyu qorunan bu qanun gənc Şeyd tərəfindən pozulur. «Silverwing» cizgi filmi qədim qadağaya qarşı çıxaraq gündüz səmasını görmək istəyən cəsur balaca yarasanın qarşılaşdığı hadisələrdən bəhs edir.

2003-cü ildə Kanadada istehsal olunmuş bu ailəvi animasiya filminin rejissorları Kit İnqem və Yen Fridmandır. Əsas personajları Bill Svitser, Şirli Millner, Riçard Nyuman və Pem Hayatt səsləndiriblər.