Kral Şir 2: Simbanın qüruru

Şram üzərində qazanılan qələbədən sonra Simba Nala ilə birlikdə savannanı idarə edir və qızları Kiaraya qayğı göstərir. Şıltaq şahzadəyə nəzarət etmək Timon və Pumbaya tapşırılsa da, balaca aslan tez-tez onların nəzarətindən yayınır. Qadağan olunmuş əraziyə gizlicə qaçan Kiara burada Kovu adlı aslan balası ilə rastlaşır və onlar dərhal dostlaşırlar.

Lakin bu dostluq kral ailəsi üçün ciddi sınağa çevrilir. Kovu Şramın varisidir və onun anası Zira hakimiyyəti zorla geri almaq üçün fürsət güdür. Gənclərin yaxınlaşması Simbanın sürüsü ətrafında gərginliyi artırır və taxt uğrunda yeni toqquşma ehtimalını gücləndirir.

«Kral Şir 2: Simbanın qüruru» cizgi filmi 1998-ci ildə rejissorlar Darrell Runi və Rob LaDuka tərəfindən ərsəyə gətirilib. ABŞ, Kanada, Filippin və Avstraliyanın birgə istehsalı olan layihədə obrazları Metyu Broderik, Niv Kempbell, Robert Qiyom və Endi Dik səsləndirib.