Orkestr-adam

Boş qalmış şəhər meydanına əlində tək bir qızıl sikkə tutmuş balaca kəndli qız gəlir. O, pulu fəvvarəyə atmaq istəyərkən diqqətini bütün bədəninə musiqi alətləri bərkitmiş bir küçə artisti çəkir.

Çox keçmədən meydanda digər bir ifaçı peyda olur və balaca dinləyicinin bəxşişini qazanmaq naminə öz bacarığını nümayiş etdirməyə başlayır. Beləliklə, iki musiqiçi qızcığazın sikkəsini əldə etmək üçün bir-biri ilə səs-küylü və qeyri-adi bir yarışa girir.

ABŞ istehsalı olan qısametrajlı «One Man Band» animasiya filmi 2005-ci ildə ekranlara çıxıb. Musiqili komediyanın rejissorları Mark Endryus və Endryu Ximenezdir.