Sonuncu təkbuynuz

Sehrli meşədə yaşayan təkbuynuz günlərin birində öz növünün digər bütün nümayəndələrinin yer üzündən silindiyini öyrənir. Tək qaldığını anlayan qəhrəman dogma yerləri tərk edərək itkin düşmüş soydaşlarını axtarmaq və onları xilas etmək qərarına gəlir.

Uzun səfər boyu o, müxtəlif təhlükələrlə, o cümlədən ifritə Fortuna, quldur dəstəsi və qəddar kral Haqard ilə üzləşir. Çətin sınaqlardan keçən təkbuynuz sehrbaz Şmendrik, Molli və şahzadə Lirin köməyi ilə nəhəng Qırmızı Buğaya qalib gəlməyə və həmcinslərini azad etməyə çalışır.

Cizgi filmi 1982-ci ildə ABŞ, Böyük Britaniya və Yaponiya tərəfindən birgə istehsal olunub. Layihənin rejissorluğunu Culz Bass və Artur Rankin kiçik edib, əsas obrazları isə Miya Ferrou, Ceff Brices və Alan Arkin səsləndirib.