
Cəsur üzgəc
Nyu-York sahillərində yaşayan Kevin adlı balaca uçan balıq günlərini dostları ilə oynamaqla keçirir. O, uçan balıqlar krallığının yerləşdiyi Barbados adasına səyahət etməyi arzulasa da, valideynləri bu xəyalları ciddiyə almır. Bir gün özünü göstərmək istəyən Kevin ailə yadigarı olan nəhəng mirvarini tapmaq üçün Şöhrət Qayasına üzür və gözlənilmədən balıqçı toruna düşür.
Qiymətli incisi ilə birlikdə bir balıq restoranının akvariumuna aparılan Kevin burada xüsusi yeməyə çevrilmək təhlükəsi ilə üz-üzə qalır. Akvariumdakı digər sakinlər isə aşpazların apardığı balıqların insana çevrildiyinə inanır və növbələrini intizarla gözləyirlər. Kevin cəsarətini toplayaraq yeni tanışlarını ölümdən xilas etməli və mirvari ilə bərabər doğma sulara qayıtmağın yolunu tapmalıdır.
«Cəsur üzgəc» (Back to the Sea) ailəvi komediya cizgi filminin rejissoru Tom Ludur. 2012-ci ildə Kanada və Çinin birgə istehsalı kimi işıq üzü görən layihənin qəhrəmanlarını Yuri Lovental, Ket Susi, Tom Kenni və Mark Həmill səsləndirib.
«Cəsur üzgəc» onlayn izlə
Cizgi filmi haqqında
Rollarda
Rəylər 0
Hələ rəy yoxdur — ilk siz yazın