Atomikron

Kainatın mərkəzində, Materiya və Antimateriyanın kəsişdiyi mikroskopik məkanda atom boyda planetlər uğrunda döyüşlər gedir. Qaranlıq qüvvələrlə qarşıdurma zamanı zəhərlənən general Hidrostar nəhayət özünə gəlir. Ayıldıqdan sonra o, «Atomicron» ittifaqının artıq müharibə vəziyyətində olduğunu və doğma Hidrogenium planetinin izsiz itdiyini öyrənir.

Kainatın enerji mərkəzinin zəifləməsi vəziyyəti daha da gərginləşdirir. Antimateriya ordusu bu fürsətdən yararlanaraq qəti hücuma keçməyə hazırlaşır. Təhlükənin qarşısını almaq üçün Hidrostar silahdaşları ilə birlikdə müttəfiq döyüşçüləri vahid cəbhədə toplamaq məcburiyyətində qalır.

İtaliya istehsalı olan «Atomicron» cizgi filmi 2014-cü ildə işıq üzü görüb. Ekran əsəri mikroaləmdə cərəyan edən elmi-fantastik mübarizəni təsvir edir.