Barbie və gizli qapı

Şahzadə Aleksa saray qaydalarını və vəzifələrini yerinə yetirməkdənsə, vaxtını kitab oxumaqla keçirməyi üstün tutur. Saray bağında gəzərkən o, oxuduğu kitabdakına bənzəyən gizli bir qapı aşkar edir. Bu qapını açan qız qeyri-adi nağıl canlıları ilə dolu sehirli bir dünyaya addım atır.

Orada Aleksa su pərisi Romi və şahzadə Nori ilə qarşılaşır. Yeni tanışları ona bu dünyanın ərköyün gənc hökmdarının bütün sehri ələ keçirməyə çalışdığını bildirirlər. Qızlar bu ölkənin sehrini qorumaq üçün yaranmış vəziyyətlə üzləşməli olurlar.

«Barbie and the Secret Door» cizgi filmi 2014-cü ildə ABŞ-da istehsal olunub. Ekran işinin rejissoru Karen C. Lloyd olub, rolları isə Anna Qalvin, Tabita Sen-Jermen, Eşli Boll və Kristofer Qaze səsləndirib.