Barbie: Mirvari Şahzadəsi

Lumina adlı gənc su pərisi xalası ilə birlikdə sualtı dünyada yaşayır və mirvariləri sehrlə idarə etmək bacarığına malikdir. O, bu qabiliyyətindən gözəl saç düzümləri yaratmaq üçün istifadə edir. Şah sarayında möhtəşəm bir balın keçiriləcəyini öyrənən Lumina hökmdarın və saray əyanlarının həyatını görmək istəyir. Xalasının qəti qadağasına baxmayaraq, o, ən yaxın dostu olan dəniz atı ilə birlikdə saraya yollanır.

Sarayda keçirilən tədbir zamanı saray generalı hakimiyyəti ələ keçirməyə və dövlətə sahib olmağa cəhd göstərir. Təhlükəli vəziyyətlə üzləşən Lumina öz qeyri-adi gücündən istifadə edərək bu planın qarşısını almağa çalışır. Sehrli mirvarilər sualtı aləmin xilasında mühüm rol oynayır.

«Barbie: Mirvari Şahzadəsi» adlı cizgi filmi 2014-cü ildə ABŞ-da rejissor İzekil Norton tərəfindən çəkilib. Baş qəhrəmanları Keti Kraun, Rebekka Şoyket, Tabita Sen-Jermen və Ceyms Hiquti səsləndirib.